MANILA, Philippines - Simula Lunes (Enero 26), siguradong mas magiging maaksyon ang umaga ng mga manonood dahil muli nang mapapanood sa GMA Network ang Jackie Chan Adventures at Knock Out.
Sa pagbabalik ng astig na martial arts hero na si Jackie Chan, matutunghayan muli ang kanyang mga laban upang makuha ang 12 magic talismans.
Dagdag pa rito ang pagbisita ng makulit na pamangkin ni Jackie na si Jade na sasama sa kanyang mga adventures.
Muli ring mapapanood ang pinaka-astig na mandirigma sa ibabaw ng ring na si Ippo, isang mahiyain at tahimik na high school student. Matapos siyang mailigtas ng isang boksingero na si Takamura, nagsimula ang kanyang pagnanais na matuto ng boxing.
Tuwing umaga mula Lunes hanggang Biyernes, mapapanood ang Jackie Chan Adventures pagkatapos ng Pokemon at ang Knock Out naman pagkatapos ng Slam Dunk sa Astig Authority block ng GMA.