MANILA, Philippines - Maraming nagtatanong na fans kung bakit wala pang bagong show sa TV5 si Sharon Cuneta.
Hindi natuloy ang My Pirated Family na pagtatambalan sana nila ni Richard Gomez. Matagal nang natapos ang Madam Chairman kaya nagtatanong ang televiewers kung kailan mapapalitan ang kanyang nawalang show.
Mabuti pa si Richard Gomez at mayroon na siyang bagong game show.
Kahit daw musical show ang ibigay kay Megastar ay matutuwa na ang fans.
Reklamo wala sa bokabularyo ni James
Tampok si James Reid sa isang kakaibang istorya ng pag-ibig sa pelikulang Talk Back and You’re Dead katambal si Nadine Lustre. Puring-puri ni Direk Andoy Ranay ang aktor dahil kahit puyat na puyat at halos walang pahinga, wala kang maririnig na reklamo.
Magagaling naman ang mga artistang sina Nadine Lustre, Joseph Marco at Yassi Pressman kaya hindi nahirapan sa kanila si Direk Andoy.
Hindi rin hirap ngayon si James sa pagdi-deliver ng lines dahil marunong na siyang mag-Tagalog. Maganda ang chemistry nina Nadine at James pero ayon sa aktres bata pa siya at hindi pa handang magpaligaw dahil focus siya sa kanyang career.
Sa kabilang banda ang Talk Back and You’re Dead ay nagkamit ng mainstream na popularidad sa mga teenagers di lamang sa paperback kundi pati na rin sa online na Wattpad.
Bela hindi mapopormahan ni Dennis
Maraming pumuri kay Dennis Trillo sa kanyang mahusay na pagganap sa The Janitor. Strong contender ito sa pagiging Best Actor sa Cinemalaya Film Festival. May bagong project ito sa GMA 7 titled Sa Puso ni Doc katambal si Bela Padilla. Maganda ang chemistry ng dalawa. Sayang at taken na si Bela dahil kung wala siyang bf baka pormahan siya ni Dennis.