Dingdong tinupad ang pangako kay Marian

MANILA, Philippines - Ngayong Sabado (Agosto 9) sa MARIAN, mag-iinit ang dance floor dahil isang powerhouse birthday special ang inihanda ng Kapuso Primetime Queen Marian Rivera na pangungunahan ng kanyang longtime boyfriend na si Dingdong Dantes.

 “Simula noong nag-launch ang Marian, it has been my wish na maging guest ko sa show si Dong at finally matutupad na siya. Since it’s my birthday, ito na din ang special gift niya sa akin. Bukod sa gagawin ni Dong sa Sabado, dapat ding abangan ng mga manonood kung sinu-sino pa ang mga magiging guests ko. Siguradong magiging espesyal ang araw na ‘yan dahil espesyal din ang mga guests ko,” kwento ni Marian na magse-celebrate ng kanyang birthday sa Agosto 12.

Siguradong pasabog ang episode na aabangan ng mga manonood dahil magsasama-sama sa isang live episode ang ilan sa mga pinakamalalapit na kaibigan ni Yan-yan.

Mapapanood ang Marian tuwing Sabado ng gabi pagkatapos ng Pepito Manaloto sa GMA.