Gamot sa tensiyon na walang gastos, ituturo sa basta Every Day…

MANILA, Philippines - Kung gusto ninyong masolusyunan ang mga problemang mabigat at tensyonadong katawan nang walang kinakailangang gastusin, tumutok na ngayong Martes (Agosto 5) sa Basta Every Day Happy.

Matututunan ninyo ang important points pagdating sa Reflexology at Accupressure. Ngayon ay nasa palad n’yo lang ang susi para matanggal ang sakit sa tiyan (empacho, kabag, etc.), migraine o sakit ng ulo, at panlaban sa matinding antok kapag kailangang gising ang diwa ninyo para sa trabaho. Kasama natin ang bagong ina at R&B Princess na si Kyla sa pag-explore sa topic na yan.

At kung gusto ninyong matutunan kung paano mabibigyan ng ginhawa ang inyong sanggol gamit ang inyong “healing touch,” tumutok din para malaman ang benefits at tamang pamamaraan sa infant massage.

Napagtutuunan n’yo ba ng pansin ang inyong mga kuko na isa sa pinakamahahalagang bahagi ng ating katawan? Alamin ang mga iba’t ibang paraan upang pagagandahin at pangangalagaan ang mga ito sa Basta Every Day Happy bukas, Miyerkules (Agosto 6), live na live. 

 Panoorin kung paano ginagamit ang mga kuko na indikasyon ng kalagayan ng ilang bahagi ng inyong katawan na maaaring may taglay na sakit o kahinaan. Sumagap din ng tips kung paano magagamit sa pangkabuhayan ang paglilinis at pangangalaga ng mga kuko sa tulong ng komedyante at young entrepreneur na si Chariz Solomon