Aktres initsapwera na ng mga anak na pinaaral!

May mga nagtatanong kung nasaan na ang mga anak ng isang actress na dati ay laging laman ng mga interview sa kanya dahil very proud siya sa mga anak niya? 

Totoo kayang nagkanya-kanya na sila ng buhay dahil kaya na naman nilang buhayin ang sarili nila? 

Nang huling nakausap ang actress, sabi niya, pare-parehong magtatapos na ng college ang mga anak niya. Pero sad naman kung totoong hindi na pinupuntahan ng mga anak niya ang aktres at parang bale-wala na sa kanila kung ano na ang buhay ng kanilang ina. 

May tampo nga ba sila sa kanilang ina?

Dingdong hand-to-mouth ang trabaho

Hand-to-mouth na rin daw ang taping ni Dingdong Dantes ng new drama niyang Ang Dalawang Mrs. Real sa GMA 7. 

Ito ang sagot ni Dingdong nang makausap namin last Sunday sa launch ng girlfriend na si Marian Rivera for Bench. 

For one, si Dingdong kasi ang mas maraming eksena dahil may time na si Maricel Soriano lamang ang kasama niya sa taping, minsan naman, si Lovi Poe lamang. 

Biniro namin si Dingdong kung mahirap bang dalawa ang asawa, medyo nga raw nahihirapan siya dahil hindi siya maka-relate, at kailangan niyang baguhin ang kanyang character, malayo sa kanyang tunay na kalagayan nga­yon. Alam naman ng lahat na iisa lamang ang babaeng mahal niya, si Marian. 

Bukod sa taping, every week pala ay nagri-report din si Dingdong sa National Youth Commission to fulfill his work as Commissioner-at-Large, minsan doing outreach programs for the youth. 

Kaya raw madalian lamang ang pagpunta niya sa Independence Day celebration ng GMA Pinoy TV sa Chicago, Illinois sa June 21. 

After the show, diretso na siya ng New York to meet her girlfriend Marian Rivera na nagmula naman sa Las Vegas. Dapat nga raw ay three days sila roon, pero pinayagan lamang silang mag-stay ng two days at balik na sila ng Pilipinas. 

Ngayong umaga naman ang alis ni Marian for her Freedom Shows sa Los Angeles, San Francisco, San Diego, at Las Vegas, kasama ang manager niyang si Rams David, pagkatapos ng isang very successful launch niya ng Her Royal Beauty ng Bench Body sa Sunday All Stars last Sunday.

Illegal wife magaganda ang feedback

Opening day na ngayon ng My Illegal Wife in theaters nationwide at based sa trailer at comments ng mga nakapanood na ng special screening ng movie, sa muling pagtatambal nina Pokwang at Zanjoe Marudo, mukhang magugustuhan ng mga manonood ang movie na idinirek ng box-office director ding si Tony Reyes mula sa Skylight Films at Star Cinema.