Holy Week na po, start na tayo sa Lunes Santo, April 14. Magsimula na tayo ngayon ng ating religious activities tulad ng fasting, Way of the Cross, confession, misa, Visita Iglesia, at anything na ginagawa natin pagsapit ng Semana Santa o Mahal na Araw. Minsan lang sa isang taon natin ito ginagawa lalo na tayong mga Katoliko.
Isang magandang halimbawa rin ang gagawin ni Kuh Ledesma bilang isang Bible believer at masugid na disipulo ng ating PaÂnginoong Diyos. Sa darating na April 8, 6:30 p.m., magkakaroon siya ng painting exhibit sa ikalawang pagkakataon na gaganapin sa White Space Manila sa Pasong Tamo Extension sa Makati City at pinamagatan niya itong The Beauty of Purpose.
Bale 38-40 paintings ang makikita ng mga invited people at ang perang malilikom sa mapagbibilhan ang siyang gagamitin sa paggawa ng independent movie na entitled Hilom. At umaasa si Kuh and her group na sa pamamagitan ng said movie ay malalantad ang panganib ng paniniwala sa albularyo, faith healer, o quack doctor.
Pagkatapos ng painting exhibit, magiging busy na naman ang magaling na singer sa kanyang concert naman sa April 19 sa Hacienda Isabela na matatagpuan sa 8 Brgy. Carasuchi, Indang, Cavite. May pamagat na Amazing Love, makakasama ng Pop Diva ang kanyang only daughter na si Isabella at ang baguhang singer na si Jane Joseph.