Derek nganga pa rin ang love life
Up to now, dinaramdam pa rin pala ni Derek Ramsay ang nasulat noon na kaya siya lumipat sa TV5 ay dahil mukha siyang pera. Inuulit niya na tinanggap lamang niya ang contract na pinirmahan sa Kapatid Network ay dahil wala naman siyang ginagawa sa iniwanan niyang network, nabuhay lamang siya noon sa mga endorsements niya. Ang tinanggap daw lamang niyang talent fee sa TV5 ay ayon lamang sa work na ibinigay sa kanya, at hindi totoo na siya ang highest paid talent nila.
May nagsabi pa raw na sa laki ng talent fee niya, hindi na niya kailangan isubÂsob ang sarili sa trabaho. Pero tinupad lamang niya kung ano ang nakasaad sa contract niya. Nag-sign din siya ng movie contract kay Boss Vic del Rosario ng Viva Films, na ginagawa niya ngayon ang Trophy Wife with Cristine Reyes and Heart Evangelista. May movie contract din siya sa Regal Entertainment na may dalawa na siyang projects na gagawin, baka raw mauna ang team-up nila ni Lovi Poe then ang movie with Marian Rivera na tuwi raw silang nagkikita, nagtatanungan sila kung kailan sila magsu-shooting.
Sa ngayon, walang love life si Derek, forever na raw magiging best of friends sila ni Cristine, at work lamang siya nang work dahil gusto naman niyang ibalik sa parents niya na nagpaaral sa kanya ang lahat. By June, gagawin niya ang second season ng Amazing Race kaya hindi siya makaka-join sa World Cup na gagawin sa Brazil.
Sa TV5, mapapanood na siya sa February 25 with Angel Aquino, sa last episode ng Studio 5 Original Movies na Bawat Sandali na first time niyang naging director si Joel Lamangan.
Kim laging naka-white dress
Pinag-uusapan na ang pagiging daring ng young actress na si Kim Rodriguez sa Paraiso Ko’y Ikaw. Mala-Blue Lagoon kasi ang story kaya si Kim, laging naka-white dress na may pagka-sexy ang dating. Madalas ding ipakita ni Kristoffer Martin ang kanyang abs dahil nakatira nga sila sa Isla de Amor. No wonder laging may classification itong SPG ng Movie Television Review and Classification Board (MTRCB). Kaya bilang pasasalamat ng GMA 7, nasa Robinson’s Parañaque Activity Area mamaya ang cast, sina Kim, Kristoffer, Joyce Ching, at Phytos Ramirez at 5:00 p.m.
Sarah Lahbati aamin na sa anak nila ni Richard?
Maraming naghihintay kay Sarah Lahbati sa special interview sa kanya ng Startalk mamayang 4:00 p.m. sa GMA 7. Habol daw ito para mai-promote pa rin ni Sarah ang horror flick nilang Basement na showing pa rin ngayon. Sagutin kaya ni Sarah ang matagal nang tanong kung nagbunga nga ba ang relasyon nila ng boyfriend na si Richard Gutierrez, matapos niyang iwanan ang GMA Network almost two years ago?
- Latest
