Pinanood ko si Raymond Gutierrez sa Showbiz Police, ang bagong showbiz oriented talk show ng TV5.
In fairness, komportableng-komportable si Raymond sa kanyang bagong home studio. Hasang-hasa na siya bilang talk show host. Malaki talaga ang naitulong ng sampung taon na karanasan ni Raymond bilang host ng iba’t ibang programa ng GMA 7.
Hindi exclusive ang contract ni Raymond sa TV5. Puwede siyang lumabas sa ibang mga TV station, basta huwag lang similar format sa Showbiz Police ang programa na aapiran niya.
Ang Showbiz Police ang unang TV appearance ni Richard Gutierrez mula nang mag-expire ang kontrata niya sa GMA 7.
Poging-pogi si Richard sa guesting niya sa Showbiz Police. Halatang-halata na kumpleto ang kanyang pahinga at may time siya para sa sarili. Very positive ang aura ng aktor na nagsabi na choice niya na magbakasyon muna.
Maganda ngayon ang katawan ni Richard dahil may time siya na magbabad sa kanyang gym, kasama ang girlfriend na si Sarah Lahbati.
Ultimate Fitness ang name ng gym ni Richard sa Metrowalk sa Pasig City. Mga kapwa artista ang kliyente ng Ultimate Fitness at ito rin ang gym na pinupuntahan ni Dingdong Dantes. Magaganda at bago raw ang mga equipment sa gym ni Richard kaya dumarami na ang kanilang mga kliyente.
Sarah namamasyal-masyal na sa mall
Na-sight si Richard sa Serendra sa BGC, Taguig City noong Sabado. Kasama niya ang kanyang girlfriend na si Sarah Lahbati na lalong naging seksi dahil regular customer din ng Ultimate Fitness.
Inamin ni Richard sa interview sa kanya ni Raymond sa Showbiz Police na nami-miss na ni Sarah ang pag-arte. Hindi puwedeng lumaÂbas si Sarah sa ibang TV networks dahil may bisa pa ang kontrata niya sa GMA 7.
Edu at mga DJ kumain ng popcorn galing bathtub
Totoo at hindi fake ang popcorn na inilagay sa bathtub na ginamit na props sa What’s Up, Doods? show sa TV5.
Ang popcorn ang nginuya-nguya ni Edu Manzano at ng kanyang mga bisita na DJ (disc jockey) sa tsikahan portion nila sa Saturday night talk show ng TV5 na nagsimula noong Sabado.
Hindi naubos ni Edu at ng kanyang mga bisita ang popcorn kaya curious ako, sino kaya ang kumain ng mga tira-tira? Ang production staff?
Aktres pinagsasawaan na sa katatalak
Wala nang pumapansin sa pagtalak sa Facebook ng isang has-been actress. Hindi na siya sineseryoso ng kanyang Facebook friends. Nasanay na raw sila na palaging nagagalit at nang-aaway ang aktres na galit sa mundo at nawalan ng career dahil lumaki ng todo ang kanyang ulo.
Ugali ng aktres na sisihin ang ibang mga tao kapag nagkakaroon siya ng mga problema. Bad karma ang aktres dahil nang-api siya ng kapwa noong mga panahon na namamayagpag ang kanyang career.
Sheena mami-miss ang instant anak
Kahapon ang last taping day ng Binoy Henyo ng GMA 7. Hitsurang malakas ang buhos ng ulan, work to death ang cast dahil magwawakas na sa BiÂyernes ang kanilang early primetime show.
Nalulungkot ang cast sa nalalapit na pagtatapos ng Binoy Henyo dahil mami-miss nila ang isa’t isa. Tiyak na mami-miss ni Sheena Halili si David Remo dahil tunay na anak na ang turing niya sa bagets.
Matatagalan pa siguro bago magkasama sa isang project sina Sheena at David dahil kapapanood pa lamang sa kanila sa Binoy Henyo.