MANILA, Philippines - Ang paboritong komedyana sa pelikula’t telebisyon na si AiAi delas Alas ay magge-guest bilang pinsan ni Justin (Vhong Navarro) na si Ate Van sa episode ng Toda Max ngayong Sabado (Agosto 3).
Inaabangan ni Justin ang good vibes na madadala ng kanyang pinsan sa kanyang pagdating pero na-disappoint ito nang malaman niya na may problema pala si Ate Van at may angal siyang dala tungkol sa negosyo ni Tay Mac (Al Tantay). Ang sabi niya, nanloloko raw si Tay Mac sa kanyang pagne-negosyo.
Posible kaya na hindi pala maayos katrabaho si Tay Mac at talagang niloko nito ang kanyang mga kliyente? Hindi ba tapat na tao si Tay Mac tulad ng pagkakakilala ng marami sa kanya?
Alamin ang mga kasagutan sa susunod na episode ng Toda Max na eere ngayong Sabado (Agosto 3) sa ABS-CBN Channel 2 pagkatapos ng Maalaala Mo Kaya.