Nakatanggap kami ng official statement mula kay Christine Flores, dating wife ni Sen. Chiz Escudero, kaugnay sa patuloy na paninira sa pagkatao ng dating asawa at ama ng kambal nilang mga anak. Nagsalita na siya at uma-appeal na tigilan na ang pagdadamay sa kanya. Hindi rin totoo aniya ang tungkol sa physical abuse sa kanya ng dating mister.
Nakakagulat nga na may mga lumabas na issue na nananakit si Sen. Chiz dahil natatandaan namin na walang naging isyung ganoon kaya naghiwalay ang mag-asawa. Mayroon lamang talagang mahilig gumawa ng balita na hindi naman totoo.
Last Saturday evening, nakita sa event ng Philippine Animal Welfare Society (PAWS) na magkasama sina Chiz at Heart at kuwento ng aming source ay masaya ang dalawa at kitang so in love.
Dennis at Rafael parehong kulang ang effort kay Marian
Nagpaalam na kahapon sa Party Pilipinas ang drama series na Temptation of Wife sa pamamagitan ng duet nina Marian Rivera at Glaiza de Castro at sumayaw naman si Rafael Rosell. Simula na ang last three weeks ng serye simula ngayong gabi pero hanggang bukas pa ang taping ng buong cast. Pero hindi pa nasagot ng tatlo ang tanong ng mga host ng show kung kanino ba talaga mapupunta sa finale sa April 5 si Angeline, kay Marcel (Dennis Trillo) o Nigel (Rafael). Kahit nagpa-survey sila, marami pa rin ang may gusto na mag-isa lamang si Angeline kasi hindi worth for her love ang dalawa.
Fans nangangarap magkatuluyan sina Alden at Louise
Masaya ang mga tagahanga nina Alden Richards at Louise delos Reyes dahil mamayang gabi, sa Mundo Mo’y Akin, mapapanood na sila kasama si Lauren Young na ka-love triangle nila sa soap na dinidirek ni Andoy Ranay, after ng Indio, sa GMA 7.
Excited ang fans dahil alam nilang wala nang boyfriend si Louise kaya nabuhay ang dream nilang magiging sina Alden at Louise na, hindi lamang sa story kundi off-camera na rin. Alam nilang hindi magiging hadlang si Lauren dahil may boyfriend na ito. How true?