Ayaw magbigay ng comment si Richard Gutierrez kung lilipat sa ibang network kapag natapos na ang kontrata sa Siyete. Gusto niyang makatrabaho muli si Peque Gallaga na nagdirek sa kanya sa Seduction.
Gusto rin ni Chard na makaparehang muli si Angel Locsin. Na miss din nito ang kanilang tambalan. Nagtambal na ang dalawa sa Let the Love Begin na naging blockbuster sa takilya.
Malapit nang ipalabas ang My Lady Boss kung saan katambal ng aktor si Marian Rivera.
Si Angel naman ay abala sa kanyang sitcom na Toda Max at sa mga commercials.
Coco balik sa pagiging jologs
Maraming kilig moments sina Coco Martin at Julia Montes sa pelikulang A Moment in Time ng Star Cinema. Ayon sa magkapareha tamang-tama ang movie para sa Araw ng mga Puso dahil sa punumpuno ito ng pagmamahal.
Ayon kay Coco kabaligtaran ang karakter na ginagampanan niya rito dahil masayahin siya, jologs, at kalog.
‘‘Pikit matang ginawa ko rin ang eksena kahit ‘di naman ako mahilig sumayaw at kumanta. Bilang si Patrick naka-relate ako sa role dahil sa pinairal kong emosyon,’’ aniya.
Walang ligawang mangyayari sa dalawa dahil bata pa si Julia at matibay ang pundasyon nila bilang magkaibigan.