Nagulat na lang ang isang sikat na artista nang marinig sa kanyang co-star na, ‘‘dapat mag-enjoy tayo ngayong taping day.’’
Akala niya ay nagbibiro ang kasama. Hindi man lang siya nasabihan na tunay na huling araw na nang pagkikita ng buong cast and crew ng isang teleserye. Biglang puputulin ang airing nito. Very poor ang rating kaya disappointed ang management ng network.
Gusto kasi nila ay pawang mga top rater ang kanilang primetime shows. Kahit pala all-star cast ang isang palabas, hindi pa rin tiyak kung talagang tututukan ng mga televiewer.
Kahit hindi na aabot sa first season ang show, maglalahong bigla sa ere! Baboo!
Camille may bagong love life na kaya blooming
Ang biyudang si Camille Pratts mukhang may napagbalingan ng bagong manliligaw, kaya mukhang blooming again.
Pinilit naman ni Camille na group date lang ang nangyari sa bintang na she is going out with someone special na agad. She insisted na hindi pa siya ready sa seryosong relasyon. She is still nursing a grieving heart. Gusto naman niyang bigyan ng sapat na panahon ang kanyang sarili upang maka-recover.
Bossing panay ang pasasalamat sa blessing ng ‘love’
In love nga si Vic Sotto dahil ang parating deklarasyon niya, “Kapag binigyan ka ni Lord ng isang blessing, dapat alagaan mong mabuti.’’
Naku, hindi po Blessy ang name ng mahal niya!
Hula kay Derek, super palpak
Nagpipistang muli ang mga manghuhula ngayong panahon ng bagong taon. Ang iba credible naman. Karamihan mga pekedora na mambabasa lang ng mga showbiz column, naging self-proclaimed seers bigla.
May nagsabi na wala pang love life ngayong 2013 si Derek Ramsay. Ang isang versatile actor tulad ni Derek, makatagal kayang loveless? Ngayon pa lang isa ito sa pinaka-palsong hulang maririnig namin.
Direk Brillante bawi na
As of yesterday, may nagbalitang umabot na ng P6 million ang total gross ng Thy Womb nina Nora Aunor at Brillante Mendoza at palabas pa ito sa ilang sinehan.
Encouraging na ito dahil hindi naman talaga intended for the festival’s mainstream section ang award-winning indie film. Kung tutuusin, malapit na nilang mabawi ang investment in such so short a time.
Nora babagay sa Magnificat
Meron agad kaming naisip na titulo ng gagawing pelikula ng Superstar sa kanyang sariling NV Productions. Tungkol ito sa kagitingan at pagdadalamhati ng isang ina, na tila akma ang pamagat na Magnificat.
Lahat naman ng mga Katoliko alam ang kahulugan ng salitang Latin na madalas natin marinig sa mga seremonyas ng mga Kristiyano. Sa magandang tunay na istorya, hindi na kailangang ipaliwanag ang kahulugan ng Magnificat.