NU vs FEU para sa top spot ng SSL quarterfinals
MANILA, Philippines — Paglalabanan ng defending champion National University at Far Eastern University ang top seeding sa crossover quarterfinals sa pagtatapos ng
2026 Shakey’s Super League (SSL) Unity Cup Round of 8 sa Playtime FilOil Centre sa San Juan City.
Nakatiyak na ng ‘twice-to-beat’ incentives matapos walisin an dalawang laro sa Pool E, maghaharap ang five-peat-seeking Lady Bulldogs at Lady Tamaraws ngayong alas-3 ng hapon sa isang rematch ng
2025 semifinals.
Hinataw ng NU ang kanilang unang limang laban sa torneong itinataguyod ng Shakey’s Pizza Parlor, Peri-Peri Charcoal Chicken, Potato Corner at
R&B Milk Tea.
Nagmula sila sa 18-25, 25-19, 25-12, 25-22 pagtakas sa Adamson University noong Oktubre 28.
“Marami kaming natutunan from last game. Natalo kami sa first set because of lack of connection between spikers and setters, lack of focus, and nandoon din kasi ‘yung gigil factor,” ani coach Norman Miguel.
Muling sasandal si Miguel kina sophomore Sam Cantada, Arah Panique at Vange Alinsug sa pagsagupa sa FEU na nakuntento sa bronze medal noong
nakaraang taon.
Dinomina ng Lady Tamaraws ang College of Saint Benilde Lady Blazers, 25-14, 25-9, 25-17, para makuha ang quarters bonus.
Aasahan ng FEU sina middle blockers Cla Loresco at Jaz Ellarina at versatile opposite spiker Ia David.
Ang mananalo ang haharap sa No. 4 seed sa Pool F sa quarterfinals ng event na suportado ng Philippine Sports Commission, the Commission on Higher Education, Mikasa, Asics, Rigour Technology, Jersey Haven,
Solar Sports at 12 Beyond Production bilang technical partners.
- Latest
