Bimby, andam mag-presidente sa Pilipinas
CEBU, Philippines — Walay pagduhaduha nga mitubag si Bimby Aquino nga gusto siyang mahimong presidente sa Pilipinas sa umaabot.Sa pakighinabi kaniya sa programang Fast Talk with Boy Abunda , gipangutana si Bimby kon mahimo ba siyang presidente sa Republika sa Pilipinas inig-abot sa hustong edad sa 2047.
“Absolutely!” ,” mao ang diretso niyang tubag sa maong pangutana.
Dili bag-o sa pamilyang Aquino ang pagka-presidente sa nasud. Ang iyang lola nga si Corazon “Cory” Aquino kay nahimong presidente sa Pilipinas gikan sa 1986 hangtod 1992, samtang ang iyang uyoan nga si Benigno Simeon “Noynoy” Aquino III milingkod sa maong katungdanan gikan sa 2010 hangtod 2016.
Gab, mipabuhagay sa ilang “melatonin” single
Gilusad na ang “Melatonin,” ang bag-ong single sa rock band nga GAB. Gilangkuban ang banda nila Gab Tagadtad isip bokalista ug gitarista, Glenn Calingasan sa bass, Angelo Zipagan sa gitara, ug Myk Fresco sa drums. Ang alternative-rock song nga “Melatonin” kay naghisgot sa paghunahuna sa tibuok gabii tungod sa pangabugho, pagduhaduha ug mga pangutana nga walay kaseguradohan.
Si Gab ang nagsulat sa kanta samtang si Angelo ang naghimo sa produksiyon niini. Gi-release kini ubos sa StarPop label sa ABS-CBN.
Madungog na ang ilang “Melatonin” single sa nagkadaiyang streaming platforms.
- Latest
