Ginebra nilasing SMB; amoy na ang semis

MANILA, Philippines — Sa quar­terfinals series kaha­pon sa Ninoy Aquino Sta­dium sa Malate, Manila.

Humakot si im­port Jordan Murphy ng 33 points, 10 rebounds at siyam na assists para banderahan ang tropa ni head coach Tim Cone.

“We’re definitely on a roll. Our offense is clicking and guys are locked in defensively. We’re just trying to keep the pressure on San Miguel,” ani Cone.

Nagdagdag si RJ Abarrientos ng 22 points at may 19 at 12 markers sina Ste­phen Holt at Scottie Thompson, ayon sa pag­ka­kasunod.

Itinagay ng Gin Kings ang 2-0 lead sa kanilang best-of-five showdown ng Beermen na tinalo nila sa Game One, 104-95.

Maaari nang walisin ng Ginebra ang San Miguel sa Game Three sa Martes sa Dasmariñas Arena sa Cavite papasok sa series.

Ang mananalo sa serye ng nagdedepensang TNT Tropang 5G at Magnolia Hotshots ang makakatapat ng Gin Kings sa best-of-five semis.

Hawak ng Tropang 5G ang 2-0 lead sa Hotshots.

Ang three-point shot ni Isaac Go ang nagbigay sa Gin Kings ng isang 14-point lead, 34-20, bago nakadikit ang Beermen sa 42-43 sa pagbibida ni Jerrick Ahan­misi sa 8:11 minuto ng se­cond quarter.

Isinara ng Ginebra ang first half hawak ang 69-62 bentahe kung saan umiskor si Ahanmisi ng 17 points para sa San Miguel sa second period.

Nagsalpak din ang tro­pa ni Cone ng 11 triples sa first half.

Muling nakalayo ang Gin Kings sa 92-77 galing sa dalawang free throws ni Go sa 5:04 minuto ng third quarter.

Tuluyan nang nabaon ang Beermen sa 89-110 ma­tapos ang slam dunk ni Japeth Aguilar sa 5:59 mi­nuto ng laro.

Binanderahan ni CJ Pe­rez ang San Miguel sa kanyang 18 points, habang may 17, 16 at tig-13 mar­kers sina Ahanmisi, June Mar Fajardo, import George King at Don Trollano, ayon sa pagkakahilera.

Inaasahang reresbak ang Beermen sa Game 3.