NY Knicks nakaipsot sa Raptors
CEBU, Philippines — Ang defending champions New York Knicks nakalingkawas batok sa Toronto Raptors, 122-120, sa katapusan nilang NBA preseason game kagahapong adlawa didto sa Madison Square Garden sa New York.
Munasginhawa man tuod silang midaog apan gikalipay ni coach Mike Brown ang performance sa iyang mga players ilabi na kay magsugod na sila pagdepensa sa ilang korona batok ni LeBron James ug sa Philadelphia 76ers sunod semana.
Partikular nga gidayeg ni Brown ang 35 nila ka assists diin ang 13 niini gikan sa mga sentro nilang sila si Karl-Anthony Towns ug Andre Drummond.
“That says something about the connectivity of the group, us sacrificing and willing to share the basketball with one another,” matud pa ni Brown. “At the end of the day, we’re trying to make the game easier for our team.”
Si Jalen Brunson maoy nangu sa Knicks uban ang 20 puntos ug pito ka assists.
Si Towns usa na lang ka assist ang kuwang aron moposte og triple-double. Mitapos siya uban ang 13 puntos, 15 ka rebounds ug siyam ka assists.
Dako sab og naambag si Mikal Bridges uban ang 14 puntos ingon man si Drummond nga miamot og 14 puntos, walo ka rebounds ug upat ka assists sud lamang sa 15 minutos.
“I thought Andre was really good, too,” dason pa ni Brown agi'g pagdayeg ni Drummond. “He played a good game of basketball on both ends of the floor, and he was very impactful.”
- Latest
