MANILA, Philippines — Magsasanib-puwersa ang Yulo brothers na sina Carlos Edriel at Karl Eldrew para makasungkit ng medalya sa FIG Artistic Gymnastics World Championships na gaganapin sa Rotterdam, Netherlands sa Oktubre 18 hanggang 25.
Dumating na sa Antwerp, Belgiuum ang Yulo brothers upang doon ipagpatuloy ang paghahanda para sa World Championships.
Matapos ang training sa Belgium, agad na tutulak ang dalawa sa Netherlands para sa competition proper.
Galing ang Yulo brothers sa matagumpay na kampanya sa 2026 Asian Games sa Nagoya, Japan kung saan nakasungkit si Caloy ng dalawang ginto sa men’s floor exercise at men’s vault.
Nakapagbulsa naman si Eldrew ng tanso sa men’s horizontal bar.
“We had a competition in the Asian Games, so that one also is part of my preparation to go to the World Championships, so now we’re almost complete in our training camps, and we’re ready to go to the World Championships,” ani Caloy.
Sasabak si Caloy sa anim na apparatus events — ang floor exercise, vault, pommel horse, still rings, parallel bars at horizontal bar.
Makakasama ng Yulo brothers sina Haylee Garcia at Juancho Besana.