Archival: Opisyales sa barangay makapalambo pa sa ilang mga programa
CEBU, Philippines — Alang kang Mayor Nestor Archival makahatag og dugang panahon nga mapakita ang tinuod nga kapasidad sa opisyales sa barangay karong gilugwayan ang ilang termino human gipirmahan ni Presidente Ferdinand “Bongbong” Marcos. Jr. ang Akta Republika No. 12326 nga kanselahon ang Barangay ug Sangguniang Kabataan Elections (BSKE) karong tuiga ug ipahigayon na kini sa Nobiyembre 2028.
Gipirmahan ni Marcos ang RA 12326 niadtong Septiyembre 25, 2026 diin anaa sa upat ngadto sa lima ka tuig ang termino sa tanang napili nga barangay ug SK officials.
Ubos sa maong balaod ang mosunod nga BSKE ipahigayon matag lima ka tuig.
Gipadayag kini ni Kenneth Siasar, chief of staff ni Archival atol sa press conference niadtong Lunes diin gikatahong ang mayor nagkanayon nga ang dugang panahon magamit usab sa opisyales sa barangay nga mapalambo ug mapadayon ang ilang mga programa.
“Ingon siya at least matagaan og oportunidad ang mga barangay officials nga those who have not proven themselves in terms of public service, then they still have the chance in the next two years to prove themselves. And then those who are doing well as barangay officials, then they will be able to sustain, makita sa mga tao, um, the legitimacy and authenticity sa ilang serbisyo nga gipaambit ngadto sa mga tao”, matud ni Siasar.
Dugang ni Siasar nga ang kagamhanan sa siyudad mosunod sa nasudnong balaod sama sa paghatag og limitasyon sa mga incumbent nga opisyales nga anaa na sa kataposang termino.
Ang dugang duha ka tuig magsilbing pangkompleto sa ilang termino ug dili na makalansar pagbalik sa samang posisyon. BDB BANAT NEWS
- Latest
