Nadine ug APL.DE.AP, nag-collab

CEBU, Philippines — Nag-alyansa ang aktres nga si Nadine Lustre ug ang  miyembro sa Black Eyed Peas nga si Apl.de.ap alang sa awit  nga “Donuts.”

Gi-release na ni Nadine ang maong awit sa niaging adlaw. “A little surreal making music with a legend, “ suma pa ni Nadine.

Nalakip usab niini si Francis Brawner, nga gipasalamatan og maayo sa actress -singer. Ang “Donuts”  kay gimugna  nila Kahlil Atienza, Isagani Palabyab, Elijiah Wudz B. Bitacura ug Nadine, samtang ang lyrics kay tinagik  nila Ivo Impreso ug Nadine.

Gipaluyohan kini sa Cool Girl Records ug nagsilbing follow-up single ni Nadine human nagmalampuson ang iyang awit kaniadto  nga “Personal“. - Sanden J. Anadia

Vince, magsilbing co-host ni Vice sa GGV

Usa sa mga bag-ong nawong nga makita sa pagbalik sa comedy talk show nga “Gandang Gabi Vice” mao ang Kapuso  artist nga si Vince Maristela, kinsa opisyal nga makig-uban isip co-host ni  Vice Ganda.

Gipahibalo mismo ni Vice  ang maong taho  atol  sa usa ka episode sa “It’s Showtime” sa niaging adlaw.

“Abangan niyo si Vince Maristela kasi kasama namin siya sa ‘Gandang Gabi Vice’. Meron akong ii-introduce doon na grupo. Kasama siya,” matud pa ni Vice.

Grabe usab ang gibating kalipay sa batan-ong aktor sa maong bag-ong oportunidad.

“Yes, excited na excited na ako!” suma pa ni Vince. Una na nga gipahibalo nga  i-ere pud ang “Gandang Gabi Vice” sa GMA Network alang sa pagbalik niini karong September 13.

Season break

Kalit nga nikatap ang chika nga matud pa nanamilit na sa ere ang public service drama anthology series sa GMA-7 nga “Wish Ko Lang” . Nag-ugat ang maong taho human sa  closing spiel sa  host nga si Vicky Morales sa niaging adlaw kun din iyang gipasalamatan ang publiko sa padayon nga pagsuporta  sa programa sulod sa 25 ka tuig.  Gikatahong “season break” ra diay ang temporaryong pagpahulay sa maong programa. Dili kini unang higayon nga naka-season break ang programa. Atol sa pandemya, temporaryong nawala  sa ere ang “Wish Ko Lang” niadtong Pebrero 2020 ug nibalik  sa telebisyon niadtong Hulyo 11, 2020.

Lee he-hoon mobalik sa Pilipinas

Mobalik sa Pilipinas ang South Korean actor nga si Lee Je-hoon  nga nailhan sa kadaghanan gumikan sa  revenge series nga “Taxi Driver”.

Makighimamat ang aktor  sa iyang Pinoy fans pinaagi sa kalihokan nga  “Our 20th Moment” fan meeting tour karong  Nobyembre 7 sa World Trade Center Tent sa Pasay.