Thompson motapon sa Heat

CEBU, Philippines — Ang Dallas Mavericks mipalit sa kontrata sa star player nilang si Klay Thompson.

Nahimo kining hagdanan ni Thompson aron motapon sa Miami Heat, diin siya gikatakda nga mopirma og kontrata sa dili madugay.

Ang 36-anyos nga si Thompson, nga kaupat nakampiyon uban sa Golden State Warriors, nalandig sa Dallas niadtong Hulyo 24 isip kabahin sa usa ka trade nga naglangkob og unom ka teams.

  Si Thompson mi-average og 18.6 puntos,3.4 rebounds ug 2.2 assists matag duwa sa 13 ka tuig niyang karera sa NBA.

Sa duha niya ka seasons uban sa Mavs, si Thompson mipatak og 12.9 puntos matag duwa.

Ang Mavericks nagkagidlay sa miaging season diin sila miposte og 26 lamang ka daog nga giatbangan og 56 ka pildi.

Human sa pagkatibugsok sa Mavs, si Thompson mipahibawo dayon sa management nga gusto niya nga mobalhin sa usa ka lig-on nga koponan.

Makuha ni Thompson ang iyang gusto uban sa Heat, nga nabira si two-time MVP Giannis Antetokounmpo gikan sa Milwaukee Bucks pinaagi sa usa ka trade sa miaging bulan.