Harden mobalik sa Cavs

CEBU, Philippines — Ang kanhi MVP nga si James Harden miuyon sa bag-ong tulo ka tuig nga kontrata nga mibalor og $97 million aron moduwa og balik sa Cleveland Cavaliers.

Si Harden, nga mag-37 anyos karong Agosto 26,nahimong free agent pagkahuman sa miaging season sa NBA.

Karon si Harden mobalik sa team diin siya mitapon niadtong Pebrero human siya gi-trade sa Los Angeles Clippers.

Sa una niyang playoffs uban sa Cleveland, si Harden ug ang Cavs nakaabot sa Eastern Conference finals.

Apan gi-sweep sila 4-0 sa New York Knicks.

Si Harden, mi-average og 20.5 puntos ug  7.7 assists sa 26 ka duwa sa regular season.

Apan mikunhod ang iyang mga numero sa playoffs diin siya mipatak og 19.2 puntos lamang matag duwa.

Apan dili basta-basta ang iyang kredensiyal.

Si Harden usa ka 11-time All-Star ug tulo ka higayon nahimong NBA scoring champion. Siya maoy katapusang Amerikano nga na-MVP sa liga niadtong 2018