Torregosa, Kenyans nanghawod sa Governor's Zero Hunger Run
CEBU, Philippines — Si Southeast Asian (SEA) Games silver medalist Artjoy Torregosa gikoronahang rayna samtang ang mga Kenyans nga gipangulohan ni Eric Chepsiror nangharos sa men's 21K sa labing unang Governor’s Zero Hunger Run kagahapong adlawa sa hawanan sa Kapitolyo.
Ang sakop sa Philippine team nga si Torregosa mipatak og usa ka oras, 32 minutos ug 16.92 segundos aron sakmiton ang women's 21K title.
Si Kay Razel Cundangan mitapos nga ikaduha sa oras nga 1:44:30 samtang si Josephine Rodriguez nalandig sa ikatulong dapit sa oras nga 1:50:08. Sila si April Joy Rapiz (2:01:16) ug Addygel Mie Truz (2:01:21) ang mi-okupar sa ikaupat ug ikalimang puwesto.
Sa laing bahin, si Chepsiror milupig sa kababayan niyang si Daniel Boiwo og 24 lamang ka segundos aron paghari sa men's 21K. Si Chepsiror miposte sa labing paspas nga oras nga 1:12:59 samtang si Boiwo mirehistro og 1:13:23.
Si Luka Lagat mipahiluna sa ikatulo nga dapit sa oras nga 1:14:27 aron silyohan ang dominasyon sa mga Kenyans. Sila si Pomeroy John Veloso (1:29:20) ug Temistocles de la Concepcion (1:35:54) ang naglumpleto sa Top 5.
Sa 12K, ang Top 3 mao sila si Mark Mahinay (38:30.79), Franklin Yee (39:20.46) ug Anthony Orellano (40:35.02) sa men's ug Lynnel Martus (47:50.93), Mary Rose Frias (50:31.39), ug Xyrah Alfury Atis (52:54.78) sa women's category.
Ang Top 3 sa 6K mao sila si Jacob Cagomoc (21:59.43), Daryl Tanucan (22:28.35) ug McJone Sayre (22:54.40) sa men's ug Jasrain Mizzy Noval (25:08.60), Hannah Juarez (29:56.71) ug Rhian Hope Galamiton (31:19.09) sa women's class.
Ang ubang mga mananaog mao sila si Jean Emard Valmoria (9:01.81) ug Jane Pangalao (11:12.21) sa 3K ug
Nash Dayrit (3:26.68) ug Shaira Jane Aliganga (4:19.93) sa one-kilometer dash.
- Latest
