Chiz kay Matibag: Iwasan maglabas ng pahayag sa mga senator-judge

MANILA, Philippines — Pinaalalahanan at pinagsabihan ni Presiding Officer Chiz Escudero si National Bureau of Investigation (NBI) Director Melvin Matibag dahil sa mga naging nakaraang pahayag nito tungkol sa ilang senator-judges.

Sinabihan ni Escudero si Matibag na huwag ng maglabas ng mga pahayag tungkol sa mga miyembro ng impeachment court.

“The chair would like to remind and admonish you on behalf of the impeachment court to kindly avoid statements are pertaining to individual members of this impeachment court without prejudice to any investigation you’re undertaking,” ani Escudero.

“You may do so but without need of issuing statements that may infringe upon the independence and our integrity of the court,” dagdag pa niya.

Kasunod ito ng nating pahayag ni Matibag na rerepasuhin nila ang umano’y mga iregularidad sa mga proyektong may kaugnayan sa 2019 Southeast Asian Games na hinawakan ni Senador Alan Peter Cayetano.

Nauna nang pinalagan nina senator-judges Alan at Pia Cayetano ang mga pahayag ni Matibag na iimbestigahan ng NBI ang umano’y mga iregularidad kaugnay ng mga proyektong pang-imprastraktura para sa pagho-host ng bansa ng Southeast Asian (SEA) Games noong 2019.

Si Alan Cayetano ang namuno sa Philippine SEA Games Organizing Committee (Phisgoc).