Koreano tumalon sa condo, patay!

‘Di makabayad ng upa

MANILA, Philippines — Patay ang isang Korean national nang tumalon mula sa loft-type window sa ikalawang palapag ng isang condominium sa Cainta, Rizal, Biyernes ng hapon.

Ang hindi pinangalanang biktima ay matagal na umanong nanunuluyang mag-isa sa isang unit ng Cluster 24 ng Cambridge Village , sa Barangay San Andres, Cainta, Rizal.

Ayon sa imbestigasyon, pinuntahan ng caretaker ang biktima kasama ang isang security personnel ng condo, upang pagsabihan na bakantehin na ang unit dahil sa halos tatlong taon na siyang hindi nakakapagbayad ng renta o upa.

Natuklasan na gumamit ang biktima ng monobloc chair upang tapakan at makasampa sa loft-type window ng ikalawang palapag, at doon siya tumalon.

Nabatid ng mga imbestigador na patuloy na umiinom ng gamot ang biktima dahil sa karamdamang hypertension at diabetes mellitus.