Stephen Curry gustong makasama si James sa Warriors
STATELINE, Nev.— Ipinahiwatig kahapon ni Golden State Warriors star guard Stephen Curry na gusto niyang makasama si unrestricted free agent LeBron James sa kanilang tropa.
“Up until probably two, three years ago, that was like a pipe-dream question or even a thought,” ani Curry kay James. “But that’s part of the allure. Him going into his 24th season, me going into my 18th, the battles we’ve had, that would be such a unique story in NBA history, in sports history. But a little premature right now to talk about it.”
Naglalaro si Curry sa Edgewood Tahoe golf course sa Nevada kalaban ang mga sports stars at celebrities at isa sa mga paboritong manalo sa American Century Championship, ang event na napanalunan niya noong 2023.
Nagbabakasyon sina James, iniwan ang Los Angeles Lakers, at Warriors veteran forward Draymond Green sa Puerto Rico at naglalaro ng golf.
Nauna nang sinabi ni Rich Paul, ang agent ni James, na 10 koponan ang nagpahayag ng interes na makuha ang four-time NBA champion guard.
Kabilang dito ang Warriors, Cleveland Cavaliers, Miami Heat at Philadelphia 76ers.
Samantala, babalik si Fil-Am free agent guard Jordan Clarkson sa 2026 NBA champion New York Knicks sa isang one-year, $3.9 million deal.
Hindi naman nakumpleto ang trade kay Kawhi Leonard ng LA Clippers papunta sa Toronto Raptors.
- Latest
