Morant dinala ng Grizzlies sa Blazers
MEMPHIS — Dinala ng Grizzlies si star guard Ja Morant sa Portland Trail Blazers kapalit nina Jerami Grant at Kris Murray.
“Thank you for every highlight, every memory, every unforgettable moment and for all you’ve given this team, this community and this city,” pahayag ng Memphis kay Morant sa kanilang social media.
Bago pa bitawan si Morant ay ibinigay na ng Grizzlies sina guard Desmond Bane at forward Jaren Jackson Jr. sa ibang koponan matapos silang mawalis ng Oklahoma City Thunder sa first round ng 2025 playoffs
Sumalang ang 26-anyos na si Morant sa 79 games sa loob ng tatlong seasons dahil sa mga off-court issues at injuries.
Makakasama ni Morant sa Portland sina breakout star Deni Avdija at veteran guards Jrue Holiday at Damian Lillard.
Nagtala si Morant ng mga career averages na 22.4 points at 7.4 assists para sa Memphis.
Samantala, tinatarget ng Golden State Warriors na makuha si LeBron James sa free agency at si center Anthony Davis sa pamamagitan ng trade.
Pumirma naman si Kristaps Porzingis sa bagong two-year, $40 million contract para manatili sa Warriors.
- Latest
