Reaves ‘di aalis sa Lakers
LOS ANGELES — Pipirmahan ni shooting guard star Austin Reaves ang isang four-year, $185 million maximum contract para patuloy na maglaro sa Lakers.
Kasama sa kontrata ang isang player option para sa final season sa 2029-30.
Tinanggihan ni Reaves ang kanyang $14.9 million player option para makakuha ng bagong max deal na pinakamalaki sa NBA history para sa isang undrafted player.
“He wants to be a Laker for life and there’s nothing more important to him than trying to win one for that city,” sabi ng isang source na malapit sa 28-anyos na si Reaves.
Isa ang Detroit Pistons sa nagparamdam ng interes kay Reaves sakaling nagtuloy itong maging free agent.
Sa nakaraang season ay nagtala si Reaves ng mga averages na 23.3 points, 5.5 assists, 4.7 rebounds at 1.1 steals para sa Lakers.
Sa Detroit, ibibigay ng Piston si backup big man Isaiah Stewart sa Memphis Grizzlies kapalit ng tatlong future second-round picks.
Bukod kay Stewart, ang iba pang bagong player ng Grizzlies ay sina No. 3 pick Cameron Boozer, No. 21 pick Karim Lopez (nakuha mula sa Pistons via trade) at 7-foot-3 center Zach Edey.
Ang 25-anyos na si Stewart, pang-pito sa Sixth Man of the Year voting sa nakaraang season, ay nagtala ng mga averages na 10 points, 5.0 rebounds at 1.6 blocks mula sa bench para sa Pistons.
- Latest
