Internal Cleansing ng PNP, palpak!

Hindi nag-resign si Police Col. Fernando Ortega sa Philippine National Police kundi nagpasailalim s’ya sa imbestigasyon sa suspetsang sangkot s’ya sa kasong droga. Ito ang buod na desisyon ng Court of Appeals nitong Hunyo 1 sabay utos sa PNP na i-reinstate si Ortega at bayaran ang kanyang backwages at statutory benefits. Si Ortega ay isa sa 18 PNP officials na sinibak sa puwesto sa kasagsagan ng internal cleansing sa PNP. Subalit umapela si Ortega at idiniin n’ya na hindi s’ya nag-resign kundi pumasailallim sa imbestigasyon at magre-resign lamang s’ya kapag napatunayan na sangkot s’ya sa droga. Kinatigan ng CA ang apela ni Ortega sa pagsasabing hindi nag-resign ito kundi isinumite n’ya ang sarili sa assessment at evaluation ng 5-man committee sa isyu ng droga. Tsk tsk tsk! May hustisya pa sa bansa natin!

Matatandaan na sa liderato ni ex-PNP chief Jun Azurin, ang mga 3rd level officers ng PNP ay pinag-sumite ng courtesy resignation letters at 18 sa kanila, dalawa dito heneral, ang tinanggap ni President Bongbong Marcos. Na-dismiss kaagad sila. Subalit noong Enero 2023, sumulat si Ortega kay BBM at sinabing payag s’yang sumailalim sa imbestigasyon. “Should I be found, based on evidence, to have involvement in any illegal drug activities, I will tender my courtesy resignation or optional retirement, whichever is applicable under the circumstances and as authorized by existing laws, rules ang regulations,” aniya. Taus-pusong sinusuportahan ni Ortega ang internal cleansing program ng nina Azurin at ex-SILG Sec. Benhur Abalos. Dipugaaaaa!

Sumulat uli si Ortega kay BBM noong Agosto 2023 at iginiit n’ya na hindi s’ya nag-resign at wala s’yang kinalaman sa kalakaran sa droga. Tumungo rin s’ya sa Quezon City RTC at isinigaw na ang desisyon ng PNP ay “severe violation” ng kanyang karapatan sa due process. Kaya lang, noong Pebrero 2025, dinismiss ng RTC ang petition ni Ortega kaya’t lumapit s’ya sa CA at binuwenas naman s’ya. Sa desisyon na sinulat ni Associate Justice Rogelio Largo, na sinang-ayunan nina Associate Justices Ramon Cruz at Emily Ali?-Geluz, sinabi nila na ang Supreme Court ay may ruling na ang resignation ay dapat unconditional. “If there is a slightest condition attached to one’s action or statement relating to their resignation, then it is not resignation,” ayon sa CA justices, citing the SC’s ruling. Hehehe! Ambot sa kanding nga may bangs!

Nilinaw ng CA justices na hindi nag-resign si Ortega kundi pumayag lamang na isumite ang sarili sa imbestigasyon. “Evidently, the said letter cannot be interpreted as a resignation letter, courtesy or otherwise. There is no word or phrase that would evince any intention on the part of the petitioner to unconditionally relinquish his term of office or give up his position,” ayon sa CA decision. “When there is no proper resignation, there is nothing to accept,” ang giit pa ng CA justices. Hindi lang si Ortega ang masaya sa desisyon na ito ng CA. Anong sey n’yo mga kosa? Sal-it! Abangan!