Badian mihimo og kasaysayan

Kampiyon sa labing unang Calderon Cup volleyball

CEBU, Philippines — Ang Badian mibihag sa kanhi way pilding Moalboal sud sa upat ka sets aron pagkulit og kasaysayan isip labing unang kampiyon sa Calderon Cup Developmental League Volleyball Tournament niadtong Domingo, Mayo 31, didto sa Moalboal Sports Complex sa habagatang bahin sa Sugbo.

Human gipakyaw og daog ang pito nila ka duwa sa eliminasyon, giusban og parot sa Moalboal ang Alcantara, 25-14, 19-25, 25-14 aron pag-angkon og luna sa final.

Samtang ang Badian miabante human gitagak ang Dumanjug, 18-25, 25-18, 25-18.

Sa kampiyonato, ang Moalboal mibulhot sa mainit nga sinugdanan, 25-12.

Apan ang Moalboal mikolapso taliwala sa maisogon nga pagsukol sa Badian.

Human nakabawos sa ikaduhang set, 25-16, ang Badian milahos na ngadto sa pagpatikangkang sa Moalboal uban ang

kulbahinam nga daog  sa ikatulo ug ikaupat nga sets, 25-22, 25-21.

Si Athena Keith Tapia, ang MVP sa torneyo, mipabuto og 25 puntos aron pangulohan ang Badian ngadto sa makasaysayanong korona nga nagtangag og P20,000 nga premyo.

Sa laing bahin, ang Dumanjug mipahiluna sa ikatulong dapit human gibuntog ang Alcantara, 25-14, 18-25, 2