Webmasters miwani sa Lancers sa exhibition game

CEBU, Philippines — Ang University of Cebu (UV) Webmasters mibihag sa University of the Visayas (UV) Green Lancers, 93-86, atol s ilang basketball exhibition game nga milamas sa pagbukas sa 1st Mandaue Unity Cup niadtong Domingo, Mayo 245, didto sa Mandaue City Cultural and Sports Complex.

Si Joshua Sabando mipabuto og 28 puntos alang sa Webmasters nga mikontrola sa duwa gikan sa pagsugod hangtud sa pagkahuman niini.

Ang Webmasters ni coach Atty. Kernn Sesante misutoy ngadto sa sayong 26-16 nga labaw, nga ilang giinat ngadto sa 50-34 sa halftime.

Ang kinadak-ang bentaha sa UC nagbarog sa 22 puntos, 69-47, sa naghinapos nga bahin sa ikatulong kuwarter.

Ang Lancers nakasikit ngadto na lang sa siyete puntos apan ang Webmasters mipakita og igong katakos aron paglahutay ngadto sa siyete puntos nga kadaogan.

Si Maverick Eligoyo miamot og 16 puntos, si Carlo Salgarino mi-iskor og 14 samtang si Danie Boy Lapiz midugang og 11 puntos sa balanseng opensiba sa Webmasters.

Si King Orcullo maoy nangu sa Lancers uban ang 22 puntos samtang sila si Zylle Cabellon ug Winston Bingil nagkumboya'g 27 puntos sa pildirong kawsa.