Veteran spikers sa Alas Pilipinas
MANILA, Philippines — Ilang key players pa ang maugong na maglalaro para sa Alas Pilipinas na sasabak sa AVC Women’s Cup na gaganapin sa Hunyo 6 hanggang 14 sa Candon.
Isa na rito si outside hitter Myla Pablo na malaki rin ang maitutulong sa team upang mas mapalakas ang kampanya nito.
Nauna nang lumutang ang pangalan ni Creamline team captain Alyssa Valdez subalit wala pa itong pinal na kumpirmasyon.
Bukod kay Valdez, napaulat din ang pagpasok nina middle blocker Thea Gagate, outside hitter Honey Royse Tubino at veteran opposite spiker Jovelyn Gonzaga.
Makailang ulit nang naging bahagi ng national team sina Gagate, Tubino at Gonzaga.
Ilan pa sa mga nabanggit si reigning NCAA Most Valuable Player Zam Nolasco gayundin sina Ces Molina, Nina Ytang at Trisha Tubu.
Pasok din sa pool sina National University standouts Arah Panique, Vangie Alinsug, Shaira Jardio at Celine Marsh na bahagi ng team na nagtapos bilang runner-up sa katatapos na UAAP Season 88.
Wala pang pinal na anunsiyo ang Philippine National Volleyball Federation (PNVF) sa magiging official lineup ng team para sa AVC Women’s Cup.
Wala rin kumpirmasyon ang mga nabanggit na players sa estado ng kanilang paglalaro ngunit maglalabas na ng statement ang PNVF.
- Latest
