Brunson, Knicks tinunaw Cavs sa series opener
NEW YORK, Philippines — Pinamunuan ni Jalen Brunson ang pagbangon ng Knicks mula sa isang 22-point deficit sa fourth quarter para resbakan ang Cleveland Cavaliers sa overtime, 115-104, sa Game 1 ng kanilang Eastern Conference finals series.
Umiskor si Brunson ng 38 points para sa 1-0 lead ng Knicks sa kanilang best-of-seven showdown ng Cavs.
Nagdagdag si Mikal Bridges ng 18 points para sa New York.
Pinamunuan ni Donovan Mitchell ang Cavaliers sa kanyang 29 points at humakot si Evan Mobley ng 15 points at 14 rebounds habang may 15 points din si James Harden.
Bumangon ang New York mula sa 71-93 pagkakabaon sa Cleveland sa 7:52 minuto ng fourth quarter sa likod ni Brunson para tumabla sa 101-101 sa huling 19 segundo sa regulation patungo sa overtime.
“Just keep fighting,” sabi ni Brunson. “Keep chipping away. We’re not going to get it back in one possession.”
Binuksan ng Knicks ang extra period sa isang 9-0 atake at hindi na nilingon pa ang Cavaliers para lumapit sa kauna-unahan nilang NBA Finals appearance sapul noong 1999.
Ito ang pang-walong sunod na panalo ng Knicks at hangad ibaon ang Cavaliers sa Game 2 bukas.
- Latest
