Rondina, Pons handa na sa Nuvali Challenge
SANTA ROSA, Laguna, Philippines — Ready nang harapin nina Sisi Rondina at Bernadeth Pons ang mga Olympians sa Volleyball World Beach Pro Tour Nuvali Challenge sa Nuvali Sands Courts dito.
Hangad nina Rondina at Pons, gumawa ng kasaysayan matapos akayin ang Alas Pilipinas sa gold medal sa 33rd Southeast Asian Games sa Bangkok noong Disyembre, na makakolekta ng puntos at eksperyensa sa torneo — ang second-highest level ng kompetisyon sa tour na suportado ng Philippine Sports Commission at Philippine Olympic Committee.
Sasalang sina Pons at Rondina sa main draw bukas.
Samantala, target nina top-seeded Americans Corinne Quiggle at Chloe Loreen ang ikalawang Beach Pro Tour medal sa pang-limang Challenge stop ng torneong itinataguyod ng Rebisco, Akari, Ayala Land at PLDT.
Lalahok din sina Paris 2024 Olympians Monika Paulikiene at Aine Raupelyte ng Lithuania, American winners Alexis Durish at Audrey Koenig, French Olympians Lezana Placette at Alexia Richard at defending Nuvali Challenge champions Anniina Parkkinen at Valma Prihti ng Finland.
Samantala, umabante sina Sofiah Pagara at Khylem Progella sa final round ng qualifier matapos lusutan sina German duo Mareet Maidhof at Tabea Schwarz, 21-19, 28-26.
- Latest
