beldrei

May bagong love team at “BelDrei” ang bansag ng sports fans.

Bel para kay volleyball star Bella Belen ng Capital1 at Drei para kay Andrei Caracut ng Rain or Shine.

Bagay sila. Parang si Malakas at si Maganda.

Kaya sa PBA Commissioner’s Cup game last Friday, inspired si Caracut dahil nasa ringside si Belen.

Kumana ng anim na three-point shot ang 30-year-old na PBA star at may kasama pang crucial four-point shot para itulak ang ROS sa 113-104 na panalo at diretso sa best-of-seven semis kontra Ginebra.

Panay ang focus ng camera kay Belen tuwing kakana si Caracut. At hanggang sa huli, hinatak pa ng mga pilyong teammates si Caracut sa harap ni Belen.

Mukhang in love silang pareho. Kaya abot tenga ang ngiti ni Caracut hanggang sa post-game interview matapos siya umiskor ng 29 points.

Pati si coach Yeng Guiao eh napangiti na lang. Mabigat ang semis dahil crowd favorite ang kalaban ng Rain or Shine.

Kaya kung pwede lang sabihan ni coach si Belen, “Please, manood ka every game?”

Instant ninong si coach pag nagkataon.