Cebu Pickleball Open Tournament gilusad

CEBU, Philippines — Andam na ang tanan alang sa Cebu Pickleball Open Tournament 2026:The Blazing Torch and True Edge Cup nga gikatakda karong Hunyo 27 sa Net and Paddle Pickleball Area sa Barangay Sawang Calero, siyudad sa Sugbo.

Gipaluyohan sa Antorcha De La Libertad Lodge No. 2 ug Espada De Rectitud Lodge No. 3 sa The Sovereign Grand Lodge of Visayas and Mindanao-Gran Logia Soberana del Archipielago Filipino (TSGLVM-GLSdAF), ang maong kalihukan pormal nga gilusad sa mga organizers atol sa usa ka press conference niadtong Miyerkules, Mayo 13, sa Sunburst-8 Banawa Centrale.

"The primary purpose of the tournament is threefold :first, to promote camaraderie and brotherhood through sportsmanship; second, to support charitable and humanitarian causes through fundraising; and third, to help promote and develop pickleball as a growing sport in Cebu and neighboring communities," matud pa ni lead organizer Allan Borres Delantar.

Mitambong sab sila si Hermanos Cesar Carlos Albano, Joseph Versaga, Amado Baclayon Jr., Gerald Cañete, Atty. Rengie Galo ug Anselmo Belangel Jr. ug Famela Mantuhac-Sajuela ug Eva Marie Neo sa Bola Pickleball PH.

  "TSGLVM–GLSdAF believes that sports can unite people regardless of background, profession, or affiliation. Pickleball is rapidly growing and embodies discipline, precision, teamwork, and fellowship — values that align with our organizational principles. Through this event, we aim to combine athletic excellence with community service and charitable outreach," dugang pa ni Delantar.

Abli sa tanan, ang usa ka adlaw nga torneyo naglangkob og men's doubles, women's doubles, ug mixed doubles.

Ang makampiyon sa matag kategoriya mobulsa og P10,000 samtang ang mopahiluna sa ikaduhang dapit makadawat og P7,000.

Ang rehistrasyon nagkantidad og P1,500 matag player. Aron makaparehistro, kadtong interesado mosalmot mohimong mosunod ning maong link: https://form.jotform.com/261328899981477.

Gawas nga usa ka paugnat sa kusog, si Delantar nagkanayon nga ang umaabot nilang aktibidad alang sab sa mahinungdanong kawsa.

"The proceeds shall be dedicated to a charitable organization or humanitarian initiative that will be selected by the organizers and approved by TSGLVM–GLSdAF. Our intention is to ensure that the event benefits not only the participants but also communities and individuals who may need assistance," padayag pa ni Delantar.