Hontiveros way pagbahar
CEBU, Philippines — Si Dondon Hontiveros mikuha og atensiyon sa dihang gipatikangkang sa Cebu Greats ang Imus Yangkee, 91-77, sa Maharlika Pilipinas Basketball League (MPBL) Season 8 niadtong Biyernes, Mayo 8, didto sa One Arena sa Cainta, Rizal.
Ang way pagbahar nga "Cebuano hotshot", nga karon 48 anyos na, mituyok og balik sa relo uban ang hait niyang tinirahan diin siya miposa og unom sa 10 niya ka 3-pointers dayon na ngadto sa pagkadlit og 18 puntos,
Si Hontiveros, nga mipasa sab og tulo ka assists, milansang og tulo ka tres sa ikatulong kuwarter diin gilampaso sa Greats ang Imus aron inaton ang ilang rekord ngadto sa 4-2.
Lain pang upat ka players ang mikadlit og double digits alang sa Cebu, nga alkansi og nuybe puntos, 44-53, sa halftime.
Apan giusab sa Cebu ang dagan sa duwa uban ang nagkayong 33-11 rally aron pagposte og 77-64 nga bentaha padung sa katapusang 10 minutos.
Ang Cebu nakasustinir sa ilang kainit ug miabante pa og 20 puntos, 91-71, sa layup ni Meneses sa nahibilin nga 5:41 sa duwa.
Si Meneses miharos og 16 puntos, unom ka rebounds, duha ka assists, tulo ka steals ug tulo sab ka blocks.
Si Wowie Escocio midugang og 12 puntos, walo ka rebounds ug duha ka assists samtang sila si Paul Desiderio ug Simon Camacho miamot og 11 puntos matag usa alang sa Greats, nga makigsangka sunod batok sa Sarangani Marlins-10ACT karong Mayo 13 didto sa Caloocan Sports Complex.
- Latest
