SGA, Holmgren ibinaon ang Lakers sa 2-0
OKLAHOMA CITY -- Bumira sina Chet Holmgren at Shai Gilgeous-Alexander ng tig-22 points sa 125-107 pagrapido ng Thunder sa Los Angeles Lakers at kunin ang 2-0 lead sa kanilang Western Conference semifinal series.
Nagdagdag si Ajay Mitchell ng 20 points at may 18 markers si Jared McCain para sa defending champion Oklahoma City na itinala ang 6-0 record sa playoffs.
Dadalhin ang Game 3 sa Los Angeles.
Tumipa si Austin Reaves ng 31 points para sa Lakers at may 23 markers si LeBron James.
Hindi pa rin naglalaro si scoring champion Luka Doncic dahil sa kanyang strained left hamstring.
Mula sa 61-65 pagkakaiwan ay bumangon ang Thunder na wala si Gilgeous-Alexander at kinuha ang 85-74 bentahe sa third period tampok ang tatlong free throws ni Jaylin Williams.
Pinalobo pa ito ng OKC sa 93-80 papasok sa fourth quarter.
Sa Detroit, kumolekta si Cade Cunningham ng 25 points at 10 assists habang may 21 markers si Tobias Harris sa 107-97 panalo ng Pistons para sa 2-0 lead sa Cleveland Cavaliers sa kanilang Eastern Conference semifinals series.
Nakatakda ang Game 3 sa Cleveland kung saan nila winalis ang Toronto Raptors, 4-0, sa first round.
- Latest
