Cesafi partner's cup mobalik sa mayo 16

CEBU, Philippines —  Human sa pito ka tuig nga pagka-undang,  ang Cebu Schools Athletic Foundation, Inc. (CESAFI) Partner's Cup gikatakda nga mobalik karong Mayo 16.

Si CESAFI commissioner Felix "Boy" Tikukihoy, Jr. nagkanayon nga unom ka college teams ang mipadayag sa ilang interes nga mosalmot sa torneyo.

Kini mao ang four-peat champion University of the Visayas (UV) Green Lancers, University of Cebu (UC) Webmasters, Benedicto College (BC) Cheetahs, University of San Carlos (USC) Warriors, University of San Jose-Recoletos (USJ-R) Jaguars, ug University of Southern Philippines Foundation (USPF) Panthers.

Midugang si Tiukinhoy nga ang mga partisipanteng koponan gikinahanglan nga mosumite sa kumpletong listahan sa ilang lineup uban ang ilang corporate sponsor sa Mayo 2.

Sud sa daghang mga katuigan, ang Partner's Cup nagsilbing pre-season games sa liga.

Naghatag kini og oportunidad sa mga teams  nga bairon og samot ang abilidad sa ilang mga players, sukdon ang ilang kalig-on ug determinahon asang dapita sila huyang agi'g pangandam sa CESAFI regular season, nga sagad mosikad sa Agosto.

Ang katapusang CESAFI Partner's Cup gipahigayon niadto pang 2019. Nahunong kini sukad sa kalibutanhong pandemiya unom ka tuig ka tuig na ang milabay.