Mayweather takot matalo — Pacquiao

MANILA, Philippines — Ayaw lang ni Floyd Mayweather Jr. na mawala ang “0” sa kanyang record.

Naniniwala si Manny Pacquiao na ito ang tunay na dahilan kaya mas gusto ni Mayweather ang exhibition ang laban nila matapos ang higit sa isang dekada kesa sa tunay na laban.

“I think he’s scared of losing. Because that’s his leverage to go around and have exhibitions, because of his undefeated record,” sabi ni Pacquiao sa online talk show InsideRingShow ng Ring Magazine.

Sa isang public appearance ay sinabi ni Mayweather na ang Netflix-announced rematch nila ni Pacquiao — itinakda sa Setyembre 18 sa The Sphere sa Las Vegas — ay isa lamang palabas.

Nangangahulugan na mapapanatili ng American boxing star ang kanyang imakuladang 50-0 record.

“If that record is ruined, then what else that he can leverage for to go around and have an exhibition match?” dagdag ni Pacquiao.

Abala si Mayweather, ang huling pro fight ay noong 2017, sa mga malalaking fight exhibition fight.

Lumaban siya sa Japan, sa United Arab Emirates hanggang sa United Kingdom.

Hindi naman bago si Pacquiao sa exhibition fights at ilang beses ring sumalang dito.

Ngunit kontra kay Mayweather sa ikalawang pagkakataon ay iginiit ng Filipino icon na ito dapat ay isang pro fight.

Gumawa ang dalawa ng boxing history noong 2015 na hirangin ito bilang pinakamalaking laban kung saan umiskor si Maywea­ther ng isang unanimous decision.

Simula noon ay humiling na si Pacquiao ng rematch para makabawi kay Mayweather.

Sinabi ni Pacquiao na pumirma si Mayweather sa isang tunay na laban.

Sinabi naman ni Jas Mathur, ang CEO ng Manny Pacquiao Promotions na kasama ni Pacquiao sa talk show, na isang “hard deadline” ang itinakda para sa dalawang kampo.

“Tomorrow. The 14th, end of business day,” wika ni Mathur. “Listen, we’re getting ahead. As long as he (Mayweather)’s got smart people around him that can see the size of the opportunity, they can make him a lot of money. More money than he’s made in any in the last five years. “I guess, look, that’s not in directly in our hands or in my hands to speak on. There’s many parties involved, but all I can say is we are making a headway on it. There is a contract in place, you know, I think a better sense will prevail here. We hope it will.”