Yulo minalas sa floor exercise .
MANILA, Philippines — Bigo si Karl Eldrew Yulo na makahirit ng medalya sa men’s floor exercise ng Osijek Leg ng FIG Artistic Gymnastics World Cup Series na ginaganap sa Gradski VRT Hall sa Osijek, Croatia.
Nagkasya lamang si Yulo sa ikapitong puwesto matapos magrehistro ng 13.600 puntos.
Sumabak si Yulo na may iniindang injury sa kanyang paa kasabay pa ng pagod dahil sa apat na sunud-sunod na torneong nilahukan nito.
“Despite an agonizing foot injury and exhaustion from four consecutive competitions, our young champion’s spirit remains unshakable,” ayon sa post ng Gymnastics Association of the Philippines.
Sa kabila nito, proud pa rin ang GAP sa ipinamalas ni Yulo.
“Though he missed the podium in this final leg of the World Cup Series, Eldrew competed with every ounce of strength and immense pride for the Philippines,” ayon pa sa GAP.
Nanguna si Tokyo Olympics gold medalist at 2023 world champion Artem Dolgopyat ng Israel na nagsumite ng 14.500 puntos para sa ginto.
Pumangalawa naman si Paris Olympics bronze medalist Harry Hepworth ng Great Britain na may 14.433 at ikatlo si Noam Berkovich ng Israel na may 14.000.
Magtatangka pang humirit ng medalya si Yulo sa horizontal bar event na gaganapin Linggo ng gabi.
Makakalaban ni Yulo sa horizontal bar sina Angel Barajas ng Colombia, Milad Karimi ng Kazakhstan, Joe Fraser ng Great Britain, Luciano Letelier ng Chile at Marios Georgiou ng Cyprus.
- Latest
