Lakers tinapos ang 3-game slide

SAN FRANCISCO - Nag­kuwintas si Le­Bron James ng 26 points, 11 assists at 8 rebounds para banderahan ang Los Ange­les Lakers sa 119-103 pagpapatumba sa Golden State Warriors.

Tumipa ang 41-anyos na si James ng 11-for-17 field goal shooting para sa Lakers (51-29) na pi­nigilan ang three-game losing skid.

 Nagdagdag si center Deandre Ayton ng 21 points at ku­molekta si Jake LaRavia ng 16 points, 7 re­bounds at 4 assists.

Hindi naglaro sina inju­red starters Luka Doncic at Austin Reaves.

Umiskor sina Brandin Pod­ziemski at Nate Williams ng tig-17 points sa panig ng Warriors (37-43) na maglalaro sa play-in tournament bilang No. 10 seed sa Western Confe­rence.

Ipinahinga ng Golden State si star guard Stephen Curry na sumabak sa dalawang laro matapos ang 27-game absence dahil sa right knee injury.

Kinuha ng Los Angeles ang 53-49 abante sa halftime bago kumamada ng 37 points sa fourth quarter patungo sa ikaapat na su­nod nilang pagdaig sa Gol­den State.

Sa iba pang laro, pina­da­pa ng New York Knicks ang Boston Celtics, 112-106; at panalo ang Houston Rockets sa Philadelphia 76ers, 113-102.