CJ Perez mihimo'g kasikas, gibayaw nga POW l
CEBU, Philippines — Si CJ Perez mituboy sa San Miguel Beer ngadto sa duha ka sagunson nga daog human sa makapa-alarma nga sinugdanan sa ilang kampanya sa PBA Season 50 Commissioner’s Cup.
Bisan tuod og dakong rason ang presensiya sa bag-o nilang import nga si Justin Patton, ang impresibong salida ni Perez sa duha ka sunod-sunod
nilang kadaogan batok sa Macau Black Knights ug Barangay Ginebra Kings nakapasidlak sab sa Beermen.
Ang labing dako nga performance ni Perez naabot niadtong Domingo sa Pagkabanhaw.
Human nangitlog sa first half, si Perez mikadlit og 20 puntos sa second half, 15 niini niyang gibubo sa katapusang kuwarter aron ibandera ang Beermen ngadto sa 85-82 nga pagpiog sa Gin Kings. Batok sa Macau tangkod semana na ang milabay, si Perez mipabuto og 26 puntos sa 110-94 nilang kadaogan.
Tungod sa sagunson niyang pagratsada, si Perez maoy gitunolan sa labing uwahing pasidungog isip PBA Player of the Week luyo sa average niyang 23 puntos, 5.5 rebounds, 4.0 assists ug 2.0 steals.
Gipildi ni Perez sila si Andrei Caracut sa Rain or Shine ug Schonny Winston ug Kevin Alas sa NLEX.
- Latest
