Irish fighter iniligpit ni Magsayo sa round 5

MANILA, Philippines — Pinasuko ni Filipino boxing contender Mark Magsayo si Irish fighter Feargal McCrory sa fifth round sa kanilang non-title lightweight fight kahapon sa Meta Apex, Las Vegas.

Pinaganda ng US-based na si Magsayo ang kanyang win-loss-draw ring record sa 29-2-0 tampok ang 18 knockouts, habang laglag ang marka ni McCrory sa 17-2-0 (9 KOs).

Nirapido ni Magsayo ng malalakas na suntok si McCrory sa fifth round kung saan ipinatigil ng corner ng Irishman ang laban sa refe­ree sa huling 21 segundo.

Nauna nang kumonekta ang 30-anyos na si Magsayo ng isang matulis na right hand na nagpauga kay McCrory kaya ito napahawak sa lubid.

“Kudos to my opponent, he’s a good fighter,” sabi ni Magsayo matapos ang laban nila ni McCrory.

Mas komportable si Magsayo na lumaban sa lightweight division mula sa featherweight class.

“Big difference. I’ve had a great training camp. I’m strong. This is my prime,” dagdag ng Pinoy boxer sa kanyang unang laban para sa Zuffa Boxing, ang promotional company ni Ultimate Fighting Cham­pionship boss Danna White.