Nuggets lusot sa Phoenix Suns

PHOENIX — Nagka­dena si Nikola Jokic ng 23 points, 17 rebounds at di­nuplika ang season high 17 assists sa 125-123 pag-eskapo ng Denver Nuggets sa Suns.

Ito ang NBA-leading na ika-29 triple-double ni Jokic sa season.

Nagdagdag si Jamal Murray ng 21 points at may 18 markers si Tim Hardaway Jr. mula sa bench.

Isinalpak ni Jokic ang go-ahead 12-foot jumper sa huling 11.5 segundo pa­ra sa two-point lead ng Denver (45-28).

Tumalbog naman ang three-point attempt ni Devin Booker sa huling posesyon ng Phoenix (40-33).

Sa likod ni Booker ay na­kabangon ang Suns mu­la sa 109-117 agwat sa Nuggets sa huling 3:19 mi­nuto ng fourth period para makatabla sa 123-123 sa nalalabing 30.2 segundo.

Tumapos si Booker na may 22 points para sa Phoenix ka­sunod ang 21 mar­kers ni Fil-Am guard Ja­len Green.

Sa iba pang laro, ti­nu­sok ng Cleveland Cavaliers ang Orlando Magic, 136-131; at tinalo ng New York Knicks ang New Orleans Pe­licans, 121-116.