Lady Altas swak sa NCAA Final Four
MANILA, Philippines -- Sinibak ng University of Perpetual Help System DALTA ang Emilio Aguinaldo College, 25-12, 25-19, 25-18, sa kanilang "do-or-die" quarterfinal match papasok sa Final Four ng NCAA Season 101 women’s volleyball tournament kahapon sa Strike Gym sa Bacoor City, Cavite.
Umiskor si Cyrille Almeniana ng 14 points habang nagkadena si Jem Menor ng triple-double na 14 points, 12 digs at 12 receptions sa pagsampa ng Lady Altas sa una nilang semifinals appearance sa nakaraang tatlong taon.
Nag-ambag sina middle blockers Charisse Enrico at Open hitter Shaila Omipon ng tig-10 markers para makatapat sa Final Four ang De La Salle-College of Saint Benilde Lady Generals na pinatalsik ang Arellano University Lady Chiefs sa quarterfinals, 22-25, 25-15, 25-23, 25-17.
Tumipa si setter Fifi Ariola ng 26 excellent sets para sa opensa ng tropa ni coach Sandy Arieta na tinalo ng Lady Generals, 25-18, 19-25, 27-25, 25-22, sa una nilang pagkikita sa quarterfinals.
May 21 digs at 14 receptions si libero Jodi Lozano para sa depensa ng Perpetual.
Pinamunuan ni Mary Joy Perez ang EAC sa kanyang 12 points at 12 receptions.
Samantala, minalas talsik naman ang Altas matapos ang 29-27, 11-25,
23-25, 18-25 kabiguan sa Knights ng Colegio de San Juan de Letran.
- Latest
