Pacquiao-Provodnikov exhibition bout 'di pa pinal

MANILA, Philippines — Sa kabila ng mga naglabasang ulat, hindi pa pinal ang sinasabing exhibition fight ni Manny Pacquiao kay dating world champion Ruslan Provodnikov.

Sa katunayan, ang showcase bout — itinakda sa Abril 18 sa Thomas and Mack Center sa Las Vegas — ay maaaring hindi mangyari.

“Wala 'yun,” sabi ng isang miyembro ng kampo ni Pacquiao sa Philstar.com kamakalawa.

“Huwag niyo isulat 'yun,” dagdag nito sa nasabing exhibition bout ni Pacquiao kay Provodnikov, ang dating sparring partner ng Filipino icon na huling lumaban noong 2016.

Ito ay sa kabila ng pagkakaroon ng official website ni Pacquiao na mannypac.com ng isang active link para sa ticket sales na nasabing exhibition fight.

Ang prayoridad para sa Filipino icon ay ang rematch ito kay Floyd Mayweather Jr.

Inihayag kamakalawa ng streaming powerhouse Netflix ang muling suntukan nina Mayweather at Pacquiao higit sa isang dekada matapos ang kanilang megabuck bout — sa Sphere sa Las Vegas sa Setyembre 18.

Kinumpirma rin ito ni Pacquiao — nilabanan si dating WBC welterweight champion Mario Barrios noong Hulyo ng 2025 na nauwi sa draw.

Sinabi ni Jas Mathur, ang CEO ng Manny Pacquiao Promotions, kay Andreas Haleng ESPN na hindi opisyal ang Provodnikov exhibition bout.

“It's not official or else you would've seen a lot more announced by Manny directly on that. I would've also participated in that, and it is just not official,” wika ni Mathur.

Napaulat din na sasalang si Mayweather sa isang exhibition fight — laban kay heavyweight great Mike Tyson — bago ang kanilang big-money rematch ni Pacquiao.