Special awardees tinukoy ng PSA

MANILA, Philippines — Kikilalanin ang mga gold medal winners sa Asian Youth Games at Asian Para Games sa San Miguel Corporation-Philippine Sportswriters Association 2025 Awards Night na gaganapin sa Diamond Hotel Manila sa Lunes.

Kasama ng mga medalists si dating Deputy Speaker Congressman Mikee Romero na nasa sport na polo, at ilang major backer ng Philippine sports gaya ng ArenaPlus.

Nangunguna sa listahan ng Asian Youth Games winners si Asian track prince PI Durden Wangkay habang si three-gold Para athlete Ric Daniel Pasadilla naman ang babandera sa Asian Para Games sa event na co-presented ng Philippine Sports Commission at ArenaPlus.

Pararangalan din sina Asian Youth at Asian Para Youth Games gold winners Kram Airam Carpio, Charlie Ratcliff, Lyre Anie Ngina, Zeth Gabriel Bueno, Jan Brix Ramiscal, Tyron Jamborillo, Isabella Joseline Butler, RJ Brucal, John Rey Diano, Raemond Adefuin, at Mary Hannah Brianna Diesto.

Pasok din ang Southeast Asian Games gold winners Philippine women’s football team at Alas Pilipinas women’s beach volleyball team kasama ang Alas Pilipinas men’s team, BPI/Globe, Fil-Am Golf Invitational, JR Quinahan at Philippine Basketball Association.

Si Romero na dating owner ng PBA franchise Globalport/NorthPort ay umangat sa international rankings ng polo. Ito ang highest-ranked player mula sa Southeast Asia. 

Sumalang si Romero sa ilang prestihiyosong torneo kabilang na ang US Open Polo Championship kasama ang kaniyang team na GlobalPort-Passion For Polo.