Obiena, Tolentino sasalang sa AIAC

MANILA, Philippines — Sasalang sina Olym­pians Ernest John Obiena at John Cabang Tolentino para sa kampanya ng Team Philippines sa 12th Asian Indoor Athletics Championship sa Tianjin, China.

Inaasahang nasa Tianjin na ang pole vaulter na si Obiena at ang hurdler na si Tolentino para sa event na nakatakdang magbukas ngayon at matatapos sa Linggo.

Nagmula si Obiena sa paglundag sa gold medal sa nakaraang Internatio­nal Springer-Meeting sa Lausitz Arena sa Cottbus, Germany.

Bago ito ay kinuha muna ng Pinoy pole vaulter ang bronze sa 6th ISTAF Indoor Dusseldorf.

Inaasahan namang maganda ang ipapakita ni Tolentino matapos itakbo ang gintong medalya sa men’s 110-meter hurdles event sa 33rd Southeast Asian Games sa Thailand.

Makakasama nina O­biena at Tolentino sa Asian Indoor Athletics Cham­pionship sina 2025 Thailand SEA Games 800m gold medalist Hussein Lo­rana at high jumper Leo­nard Gorospe.

Samantala, hindi kasama sa tropa si Thailand SEA Games women’s 800m bronze medalist Bernalyn Bejoy dahil sa problema sa visa, ayon kay Philippine Athletics Track and Field Association (PATAFA) secretary-general Jasper Tanhueco.

“We were facing some challenges in terms of visa. For China kasi is an online na and we have to wait for online application, then that’s the only time we can submit the requirements,” ani Tanhueco sa panayam ng Sports Radio 918.

Nauna nang nagtala si Bejoy ng bagong national indoor na 2:08.36 sa 2026 Inland NW Invitational sa Spokane, Washington.