Miñoza isasama sa PSA Hall of Fame
MANILA, Philippines — Iluluklok si golf legend Frankie Miñoza sa Hall of Fame sa San Miguel Corporation-Philippine Sportswriters Association 2025 Awards Night na gaganapin sa Pebrero 16 sa Diamond Hotel Manila.
Mapapasama na si Miñoza sa PSA Hall of Fame matapos ang kanyang matagumpay na kampanya sa mga nakalipas na dekada.
Isa si Minoza sa mga outstanding pro golfers ng bansa.
Nagkampeon ito ng dalawang beses sa Philippine Open habang madalas itong sumasabak sa Japan Golf Tour.
Magiging kahilera ni Miñoza sa Hall of Fame sina eight-time division champion Manny Pacquiao, pool legend Efren ‘Bata’ Reyes, World Cup of bowling champions Paeng Nepomuceno at Bong Coo, dating Asian track queen Lydia De Vega, Asia’s first Grandmaster Eugene Torre at first-ever Olympic gold medalist Hidilyn Diaz-Naranjo.
Mangunguna sa mga pararangalan sa event na co-presented ng Philippine Sports Commission at ArenaPlus sina Olympic gold medalist Carlos Yulo at tennis sensation Alex Eala na bibigyan ng Male at Female Athletes of the Year.
Dati na ring napasakamay ni Miñoza ang Athlete of the Year award ng dalawang beses sa PSA Awards na suportado ng Philippine Olympic Committee, MILO, Cignal, Premier Volleyball League, Philippine Basketball Association, Akari, Rain or Shine, Capital1 Solar Energy at Acrocity.
Nakuha ni Minoza ang Athlete of the Year award noong 1990 kasama sina boxers Luisito Espinosa at Roberto Jalnaiz, at noong 1998 kasama si Espinosa.
- Latest
