Beermen, Tropa mobuak sa ilang panagtabla
CEBU, Philippines — Ang defending champion San Miguel Beer ug ang TNT Tropang 5G mobuak sa ilang panagtabla sa Game 3 sa best-of-seven PBA Season 50 Philippine Cup Finals karong adlawa (Domingo, Enero 25) didto sa SM Mall of Asia Arena sa Pasay City. Magsugod ang ilang sangka sa alas 7:30 sa gabii.
Ang TNT maoy nakauna sa serye, 96-91, apan ang Beermen mibawos pinaagi sa dominanteng 111-92 nga kadaogan sa Game 2. Si Don Trollano nagmangtas aron pangulohan ang Beermen uban ang 22 puntos. Siya ug si Juami Tiongson nakumbinar og 17 puntos sa unang kuwarter aron ituboy ang SMB sa mainit nga sinugdanan, 30-18, ug wala na sila molingi pa.
Si June Mar Fajardo mitimbre og 17 puntos sa balanseng opensiba sa Beermen diin unom nila ka players ang mikadlit og double figures.
Si Mo Tautuaa mi-iskor og 14, si CJ Perez mitali og 13 puntos samtang sila si Jericho Cruz ug Marcio Lassiter mipupo og 12 puntos matag usa.
- Latest
